Friday, August 27, 2010

नेपाली बजारमा आएको हम्मर(हम्मि).....





नेपालमा हम्मर आयो भन्दा धेरैलाई पत्याउन गार्हो पर्न सक्छ। म पनि त्यहि पात्रमध्ये एक हुँ। तर यो वास्तविकता हो। हम्मर जेनेरल मोटर्सको सिस्टर कम्पनिको रुपमा सन् १९९२ मा अमेरिकामा लन्च गरिएको थियो। सुरुमा यो गाडि सैन्य प्रयोजनलाई बनाइएता पनि H3 र H4 आएपछि भने सर्बसाधारणको पनि यस प्रति ध्यान आकर्षित भयो। तर विश्वव्यापी आर्थिक मन्दि आयपछि जि.एम टाट पल्टिने अवस्थामा पुग्यो र हम्मरलाई चाइनाको सिचुआन तेन्जझोङ(Sichuan Tengzhong) कम्पनिले सन् २००९ मा खरिद गर्यो ।

हम्मर पावर, लुक्स, युटिलिटि, लक्जरिको तागतिलो समिश्रण हो। झट्ट हेर्दा ट्रक जस्तो लाग्ने हम्मर एकदमै आरामदायी छ। चालकलाई थकान महसुस नहोस् र यात्रुलाई पनि आरादामदायि महसुस होस् भनेर हम्मरले विशेष ध्यान राखेको छ। यसमा सामान राख्ने पर्याप्त स्थान छ। यसको ग्राउन्ड क्लियरेन्स पनि नेपाली बाटो सुहाउँदो छ। चालकले गाडिमा के-कस्तो खराबी छ या छैन भनेर भित्र स्क्रिनमै हेर्न सक्छ। हम्मर किन्न पातलो गोजि भएका मान्छेलाई भने आकाशको फल आँखा तरि मर सरह नै हुन्छ किनभने नेपालमा यसको मूल्य १.५ करोड भन्दा पनि माथि पर्न आउँछ। म त्यति पैसा हालेर किन्छु भनेर कोहि तम्सिदैँ हुनुहुन्छ भने पनि यसको माइलेज सुनेर नअत्तालिनु होला किनभने यसले काठमाडौँमा बढिमा ३ कि.मि प्रति लिटर दिन्छ।

अब यत्रो पैसा हालेपछि एयरब्याग, एसि, एबिएस, ट्रयाक्सन कन्ट्रोल आदि छ कि छैन भनेर पनि के सोच्नु, यस्तो सुबिधा त ३० लाखको गाडिमा पनि पाइन्छ, यो त झन् हम्मर। यसमा नहुने त कुरै भएन। अहिले नेपालमा लन्च भएको चाहिँ फुल साइज एसयुभि(SUV) हो। यसको इन्जिन ६.२ लिटरको को हो र यसमा ६ गियरको अटोमेटिक ट्रान्समिसन छ। यसको मतलब गाडि कुदाको बेला क्लच दबाउँदै गियर फेर्नु पर्दैन, गाडिको रफ्तार सँगै यसको गियर आफै फेरिन्छ। यसको लम्बाइ ५,१६९ मिलि मिटर, चौडाइ २,०६२ मिमि, उचाइ २,०१२ मिमि र यसको तौल ३००० के.जि छ। यो अगाडि पट्टि इन्जिन भको ४ ह्विल ड्राइभ भिएकल(vehicle) हो।



नेपालमा अहिले महँगो एसयुभि टोयोटाको ल्यान्ड क्रुजरलाइ मानिन्छ। धेरै नेपालिहरुको घरको सान बनिसकेको गाडि हो ल्यान्ड क्रुजर। नेपालमा एसयुभि पारखिहरुको पहिलो रोजाइमा पर्न सफल गाडि ल्यान्ड क्रुजर नै हो। अब नेपालमा विश्मै सबैभन्दा उच्च दर्जाको मानिने एसयुभी लन्च भएको छ। यि दुबै गाडि निकै सफल एसयुभि हुन्। स्टाइल र पैसा दाँज्दा ल्यान्ड क्रुजर हम्मरभन्दा परै छाडिन्छ। पावरमा पनि हम्मर निकै अगडि छ। सुरुमा धेरै पैसा हालेर किने पनि यसको माइलेजबाट असन्तुस्टि हुनु जायज नै कुरा हो। यदि माइलेजको कुनै चिन्ता छैन भने ल्यान्ड क्रुजरमा १.५ करोड भन्दा भढि पैसा खर्चनुभन्दा हम्मर किन्नु नै बुद्दिमानि हुन्छ। बाटमा हम्मर देखियो भने पनि हेर्नेको लामै तातिँ लाग्ने कुरामा निश्चय नै दुई मत छैन। ल्यान्ड क्रुजरको सेखि झार्न ढिलै भएपनि नेपाली बजारमा हम्मर आइपुगेको छ। तर अब नेपाली करोडपतिले यसलाई कत्तिको रुचाउँछन्, त्यो त अब भविश्य नै साक्षि रहनेछ।

Saturday, August 14, 2010

आयो नेपालमा CB Twister.....

लामो समयदेखि नेट सर्फिङ् गरि "सिबी ट्विस्टर" पर्खिरहेका नेपाली बाइक पारखीमाझ अब भने प्रतिक्षाको घडि अन्त्य भएको छ । भारतमा लञ्च भएको २ महिनापछि नेपाली बजारमा भित्रिएको १०९ सिसि इञ्जिनयुक्त ट्विस्टर आफ्नो सेगमेन्टको सबैभन्दा उत्कृष्ट बाइक भएको हल्ला केवल हल्ला मात्र होइन । यसका विशेषताका अगाडि अरू १०० सिसि रेञ्जका बाइक नजिक कतै पनि आइपुग्दैनन् । फ्युल ट्याङ्कको दुवैपट्टि भएको विङ्ग्सले ट्विस्टरको सुन्दरता अझै निखारिदिएको छ । अगाडिबाट हेर्दा जति महङ्गोजस्तो देखिन्छ, त्यति नै सबैको गोजिसुहाउँदो बाइक हो होण्डाको सीबी ट्विस्टर । पावर र स्टाइलको राम्रो समिश्रणको रूपमा आएको यस बाइकमा ८ लिटर तेल अट्ने ट्याङ्क छ । सहरमा ६९ र हाईवेमा ७८.५ को तेलऔसत दिने ट्विस्टर औसत एक लिटरमा ७१.३ किलोमिटर दौडने गर्छ । ०-६० किलोमिटर ६.७ सेकेण्डमा पुग्ने १०९ सिसिको बाइक शायद यो नै पहिलो होला । चारवटै गियर अगाडिपट्टि हान्नुपर्ने यो बाइकको जमिनदेखि इञ्जिनसम्मको उचाइ १६५ एमएम, पाङ्ग्राको बिचदेखि जमिनसम्मको उचाइ १३०५ एमएम, लम्बाई २०४० एमएम र तौल १०८ केजी रहेको छ । किकस्टार्ट र सेल्फस्टार्ट दुवै सुविधामा पाइने यो बाइकको किकस्टार्ट भर्सनमा ड्रमब्रेक मात्रै रहेको छ भने किकस्टार्टमा अगाडिपट्टि डिस्कब्रेक जडान गरिएको छ । ट्विस्टरले 6000 rpm मा 9N-m को उच्च torque निकाल्छ ।

ट्विस्टरको ब्रेकिङ् भने अलिकति कमजोर रहेको छ । पानी परेको मौसममा पछाडिको चक्का अलि चिप्लिएकोजस्तो भान हुन्छ । अगाडि चक्काको हिलो रोक्ने गार्डले पनि त्यति राम्रोसँग हिलो रोक्न सक्दैन । अलि राम्रो जुत्ता लगाएर हिलोमा चलाउँदा जुत्ता खराब हुनसक्छ । यसमा ८० किलोमिटर प्रतिघन्टाबाट रोक्नका लागि ३.२ सेकेण्ड, ६० किमि प्रतिघन्टाबाट रोक्दा २.२३ सेकेण्ड र ४० किमि प्रतिघन्टाबाट रोक्नका लागि १.४३ सेकेण्ड लाग्छ । तर पनि १०० सिसिका अरू बाइकभन्दा यो ब्रेकिङ् राम्रै मान्न सकिन्छ । १७ ईञ्चको ट्युवलेस टायरले पंचरबाट हुने दिक्दारीलाई अलि कम गर्छ जुसलाई यसको सबल पक्ष मान्न सकिन्छ ।

स्टाईल र पावरको समीश्रण 'सीबी ट्विस्टर'लाई नेपालमा लगभग एक लाख पैँतालीस हजारको हाराहारीमा पर्न आउँछ । यति धेरै सुविधा, अरू बाइकजस्तै मुल्यमा पाएपछि अरू के खोज्नु र !!!!